Ирланд тогооч Алан Фишер 119 цаг тасралтгүй хоол хийж, дэлхийн дээд амжилтыг шинэчлэн тогтоожээ.
Уг амжилтыг урьд нигер тогооч Хилда Бачи гэх эмэгтэй эзэмшиж байсан юм. Түүний хувьд энэ оны эхэнд дээд амжилтыг шинэчлэн тогтоож байсан бөгөөд нийт 93 цаг 11 минут тасралтгүй хоол хийж байжээ.
Тийнхүү Алан Фишерийн хэлснээр, “Надад уг амжилтын өмнөх эзэд болох Лата болон Хилда нар үнэхээр их урам зориг өгсөн. Бие маань ядарч эхлэх үед, төмс арилгаж байхад сэрүүн байх үнэхээр хэцүү болж байсан.
Төмс арилгах нь нэг хэвийн хэмнэлтэй болоход яг л ховсод орж байгаа шиг байсан. Улмаар би хий юм ч харах болсон. Би нэг хүнд надад ямар нэг зүйл аваад өгөөч гэж хэлэхэд тэнд хэн ч байгаагүй” гэжээ.
Эх сурвалж: BBC