Мягмар гарагт Нью Йорк хотын Холбооны Нөөцийн сангаас мэдээлснээр америкчуудын зээлийн картын өр 1.08 их наяд ам.долларт хүрчээ. Энэ нь өнгөрөгч оны мөн үетэй харьцуулахад даруй 15 хувиар өссөн үзүүлэлт юм.

Тийнхүү америкчуудын зээлийн картын өр 1.08 их наяд ам.долларт хүрэхэд нэг хүнд ногдох өрийн хэмжээ 6,088 ам.доллар болсон байна. Энэ нь сүүлийн 10 жилийн хугацаан дахь хамгийн өндөр үзүүлэлт юм.

Үүний шалтгаан нь олон улсад инфляцын түвшин өсөж, хэрэглэгчдийн худалдан авах чадвар буурч, зээлийн хүү нэмэгдсэнээс үүдэлтэй гэнэ. АНУ-ын хувьд өнгөрөгч нэг гаруйн жилийн хугацаанд инфляцын өсөлттэй тэмцсэн бөгөөд энэ онд л гэхэд бодлогын хүүгээ 4 удаа өсгөсөн нь тийнхүү иргэдийн дунд их хэмжээний өр үүсэхэд хүргэжээ.

Эх сурвалж: CNBC