Лхагва гарагт BBC сувгаас мэдээлснээр Английн Төв банк энэ сард бодлогын хүүгээ дахин нэмэх төлөвтэй байна гэжээ.

Одоогийн байдлаар тус улсын бодлогын хүү 5 хувьтай байгаа юм. Гэвч эдийн засагчдын таамаглаж байгаагаар Английн Төв банк энэ пүрэв гарагт хийх хуралдаанаараа бодлогын хүүгээ 25 суурь нэгжээр нэмэх гэнэ.

Их Британи улсын хувьд бодлогын хүү нь хамгийн сүүлд 2008 оны дөрөвдүгээр сард 5.25 хувьд хүрч байсан юм. Тус улсын инфляцын хувьд өнгөрөгч зургаадугаар сард 7.9 хувьтай гарсан бөгөөд энэ нь сүүлийн нэг жил гаруйн хугацаанд бүртгэгдээгүй бага үзүүлэлт билээ. Гэвч төв банкнаас инфляцыг 2 хувьд хадгалахаар зорьж байгаа тул бодлогын хүүг ахин нэмэх магадлал өндөр байгаа ажээ.

Эх сурвалж: BBC