Хиймэл оюун ухаан бүхий ChatGPT чатботыг хөгжүүлсэн OpenAI компанийн ТУЗ өнгөрөгч долоо хоногийн баасан гарагт тус компанийг үүсгэн байгуулагч, гүйцэтгэх захирал Сэм Альтманыг албан тушаалаас нь түдгэлзүүлсэн билээ.
Тийн шийдвэрлэхдээ тэд Сэм Альтманд итгэх итгэлээ алдсан хэмээн тайлбарлаж байсан юм.
Улмаар даваа гарагт OpenAI компанийн ТУЗ шинэ гүйцэтгэх захирлаа томилсон билээ. Тэгвэл даваа гарагт тэдний эл шийдвэрийг эсэргүүцсэн OpenAI компанийн ажилтнууд ТУЗ-өө огцрохыг шаарджээ. Түүнчлэн ажилтнуудын зүгээс гүйцэтгэх захирал асан Сэм Альтманыг албан тушаалд нь эргүүлэн томилохыг шаардсан байна.
Тийнхүү ажилтнуудын анхааруулснаар тэдний шаардлага үл биелэх аваас тэд ажлаасаа гарна хэмээсэн юм. Тэдний мэдэгдсэнээр ажилтнууд ажлаасаа гарвал Microsoft компани тэднийг бүгдийг нь ажлын байраар хангахаа амласан гэжээ.
Эх сурвалж: BBC