Мягмар гарагт ТАСС мэдээллийн агентлагаас мэдээлснээр Финлянд улс энэ мягмар гарагаас лхагва гарагт шилжих шөнийн 12:00 цагаас эхлэн ОХУ-тай хиллэдэг хилээ бүрэн хаахаар төлөвлөсөн гэжээ. Энэ талаар Финляндын Илталехти сониноос анхлан мэдээлсэн байна.

Улмаар тус сонинд өгүүлснээр даваа гарагт ерөнхий сайд Петтери Орпогийн засгийн газар ОХУ-тай хиллэдэг, нээлттэй байгаа хилийн боомтуудаа хаах эсэх талаар хэлэлцсэн юм. Тийнхүү засгийн газраас шийдвэрлэснээр тэд лхагва гарагт шилжих шөнө бүх хилийн боомтоо хаах болжээ.

ТАСС мэдээллийн агентлагаас мэдээлснээр тэд ОХУ-тай хиллэдэг хэд хэдэн хилийн боомтоо өнгөрөгч бямба гарагт хаасан юм.

Хилээ хааж буй шалтгаан нь ОХУ-аас Финлянд улсад нэвтрэх гуравдагч орны иргэдийн урсгал нэмэгдсэнээр тэд ийн шийдвэрлэх болжээ.

Эх сурвалж: ТАСС