Америкийн хагас дамжуулагч үйлдвэрлэгч Nvidia компанийн гүйцэтгэх захирал Женсен Хуан Японы ерөнхий сайдтай уулзах үеэрээ тус улсад өндөр хүчин чадалтай хагас дамжуулагчийг тогтвортой нийлүүлэх, дата төвийн засвар үйлчилгээний чиглэлээр хамтран ажиллах хүсэлтэй байгаагаа илэрхийлсэн болохыг NHK телевиз мэдээлэв.
Гүйцэтгэх захирал Хуан орон нутгийн цагаар 4-ний өдөр Токио хотод орших ерөнхий сайдын өргөөнөө ерөнхий сайд Фумио Кишидад бараалхсан байна.
Энэхүү уулзалтын үеэр ерөнхий сайд Кишида түүнээс "Япон улсад хиймэл оюун ухааны технологид зориулсан хагас дамжуулагч болох график боловсруулах нэгж GPU-г тогтвортой нийлүүлэхийг хүссэн” гэв.
Гүйцэтгэх захирал Хуан хариуд нь "Миний зүгээс Японд хэрэгцээтэй байгаа график боловсруулах нэгжийг аль болох их хэмжээгээр нийлүүлэхийг хүсч байна" гэж хариулахын зэрэгцээ "Хиймэл оюун ухааны технологийг хөгжүүлэхэд шаардлагатай их хэмжээний өгөгдлийг боловсруулдаг дата төвийг хөгжүүлэх чиглэлээр Японы компаниудтай хамтран ажиллахыг хүсч байна” хэмээн өөрийн санаа бодлыг илэрхийлжээ.
Эх сурвалж: MBC