АНУ-ын ерөнхийлөгчийн ээлжит сонгууль ирэх оны арваннэгдүгээр сард явагдах билээ. Улмаар сонгуулийг угтан АНУ-ын ерөнхийлөгч асан Доналд Трамп ирэх сонгуульд дахин нэр дэвшихээ өнгөрөгч оноос л мэдэгдсэн.
Тэгвэл ерөнхийлөгчийн сонгуульд нэр дэвших Доналд Трамп мягмар гарагт Fox News мэдээллийн сувгаас зохион байгуулсан нэгэн арга хэмжээнд оролцохдоо ерөнхийлөгч болбол ямар бодлого баримтлах тухайгаа хуваалцжээ.
Түүний хэлснээр тэр ерөнхийлөгчөөр сонгогдсон эхний өдрөөс бусад өдрүүдэд дарангуйлагч болохгүй гэсэн байна.
Ноён Трампын хэлснээр, “Би хилээ хааж, өрөмдлөг хийх хүсэлтэй байна” хэмээжээ. Энэ нь юу гэсэн үг болохыг Ройтерс агентлагаас тайлбарласнаар, ерөнхийлөгч болох аваас Доналд Трамп албан суудлаа хүлээж авсан эхний өдрөө өөрийн эрх мэдлийг ашиглан Мексик улстай хиллэдэг хилээ хааж, газрын тосны өрөмдлөгийн ажлыг өргөжүүлэх гэнэ.
Эх сурвалж: ТАСС
Мундаг хөгшин