Холбооны Нисэхийн Удирдлагын газраас түр хугацаанд Боинг 737 Макс 9 агаарын тээврийн зорчих эрхийг хязгаарласнаар даваа гарагт Боинг компанийн нэгж хувьцааны үнэлгээ буурчээ.
CNBC сувгаас мэдээлснээр тус компанийн нэгж хувьцааны үнэлгээ 8 хувиар буурсан байна.
Холбооны Нисэхийн Удирдлагын газраас тийн шийдэх болсон шалтгааныг тодруулбаас өнгөрөгч баасан гарагт Альяска Эйрлайнс авиакомпанийн агаарын хөлгийн хаалга нислэгийн үеэр салсантай холбоотой юм. Улмаар Холбооны Нисэхийн Удирдлагын газраас тус агаарын хөлөгтэй ижил загварын бүх агаарын хөлгийн агаарын орон зайд зорчих эрхийг түр түдгэлзүүлсэн бөгөөд зөвшөөрлийг эргүүлэн олгох хүртэл шалгалт хийх шаардлагатай байгааг мэдэгджээ.
Өдгөө АНУ-ын Үндэсний тээврийн аюулгүй байдлын зөвлөлөөс үйл явдлын хүрээнд зохих ёсны шалгалтыг хийж байгаа юм.
Эх сурвалж: CNBC