Coachella хөгжмийн наадам бол АНУ-ын Калифорн мужид жил бүр зохион байгуулагддаг урлагийн салбарын хамгийн том наадмуудын нэг билээ. Уг арга хэмжээнд оролцохоор уран бүтээлчид, одод хийгээд тухайн цаг үедээ олны анхааралд буй контент бүтээгчид ихээхэн ач холбогдол өгдөг.
Тэгвэл энэ оны Coachella наадам ирэх дөрөвдүгээр сарын 12-21-ийн өдрүүдэд зохион байгуулагдахаар болсон бөгөөд мягмар гарагт зохион байгуулагчдын зүгээс тус наадамд оролцох уран бүтээлчдийн дэлгэрэнгүй жагсаалтыг олон нийтэд танилцуулжээ.
Улмаар жагсаалтыг үзвэл энэ онд Coachella наадмын тайзыг дуучин Lana Del Rey, реппер Doja Cat, Tyler, the Creator болон No Doubt хамтлаг нар чимэх гэнэ.
Тэднээс гадна тайзнаа гарах онцлох уран бүтээлчдийг дурдвал, реппер Lil Uzi Vert, Ice Spice, Saint Levant, DJ Peggy Gou, дуучин Sabrina Carpenter, Tyla, Suki Waterhouse, Grimes, Blur хамтлаг нарыг нэг наадам дээр харах ажээ.
Эх сурвалж: Variety