Мягмар гарагт ерөнхийлөгч Жо Байдены засгийн газартай санал нэгтгэсэн холбооны шүүгчийн зүгээс JetBlue-Spirit Airlines авиакомпаниудын нэгдэх асуудалд хориг тавьжээ. Улмаар 3.8 тэрбум ам.долларын үнэлгээ бүхий тус тохиролцоо тодорхой хугацаанд царцах болсон байна.
Шүүгчийн зүгээс юун учир ийн шийдвэрлэх болсныг тайлбарлахдаа, эл хоёр авиакомпани нэгдэх аваас салбарын өрсөлдөөнд нөлөөлж, агаарын тээврийн зорчих тасалбарын үнийг хөөрөгдүүлнэ гэж үзжээ. Үүний шалтгаан нь Spitrit Airlines авиакомпани нь АНУ-д үйл ажиллагаа явуулдаг хамгийн том, өртөг бага агаарын тээврийн үйлчилгээ үзүүлэгч юм. Харин тэдний эл шийдвэрийг эсэргүүцэж буй JetBlue авиакомпанийн хэлж байгаагаар тэдний хувьд салбарынхаа өрсөлдөгч нартай хүч тэнцүү өрсөлдөхөд энэхүү тохиролцоо нь ихээхэн чухал ач холбогдолтой гэжээ.
Тийнхүү хэвлэлийнхний зүгээс хоёр авиакомпанийн нэгдэх тохиролцоо ойрын хугацаанд биеллээ олохоос өнгөрсөн тул зорчигчид энэ хугацаанд томоохон өөрчлөлт гарна гэж найдахгүй байхыг зөвлөсөн байна.
Эх сурвалж: ABC News