Дэлхийн дуу хөгжмийн салбарын шилдгүүдийг тодруулдаг, салбартаа хамгийн нэр хүндтэй шагналд тооцогддог Grammy Awards шагнал гардуулах ёслол энэ оны хоёрдугаар сарын 4-ий өдөр зохион байгуулагдах болсон билээ. Тэгвэл 66 дугаар удаагийн Grammy Awards наадмын үеэр үзүүлбэр үзүүлэх уран бүтээлчдийн жагсаалт саяхан олон нийтэд ил болжээ.
Уран бүтээлчдийн хувьд тус шагнал гардуулах ёслолын тайзан дээр гарах нь чамгүй нэр төрийн хэрэгт тооцогддог юм.
Тийнхүү энэ удаагийн шагнал гардуулах ёслолд хэн, хэн үзүүлбэрээ үзүүлэх болсныг сонирхвол, дуучин Билли Айлиш, Дуа Липа, Оливиа Родриго нар багтжээ.
Дуучдын хувьд энэ оны Grammy Awards-т бүгд нэр дэвшсэн юм. Тодруулбал, дуучин Билли Айлиш л гэхэд нийт 6 төрөлд нэр дэвшсэн бол Дуа Липа 2 төрөлд, Оливиа Родриго 6 төрөлд тус тус нэр дэвшжээ. Мөн сонирхуулахад бүсгүйчүүд бүгд “Оны шилдэг цомог” төрөлд өрсөлдөж байгаа юм.
Эх сурвалж: CBS News