Олон улсын хамтын нийгэмлэгүүдийн зүгээс Умард Солонгосын цөмийн болон пуужингийн бүтээн байгуулалтад зориулах мөнгөний урсгалыг хумих зорилгоор тус улсын хууль бус кибер үйл ажиллагааг таслан зогсоох арга хэмжээг авсаар байгаа билээ. Гэвч тус улсын виртуал валют хакердах ажиллагаа өнгөрсөн онд хамгийн идэвхтэй байсан нь тогтоогджээ.
Блокчейн шинжилгээний Chainalysis компанийн гаргасан тайланд дурдсанаар Умард Солонгосын дэглэмтэй холбоотой хакерын бүлэглэлүүд өнгөрсөн онд дэлхийн 20 виртуал валютын платформыг хакердаж, нэг тэрбум ам.доллар хулгайлсан болохыг онцолсон байна.
Мөнгөн дүнгийн хувьд энэ нь 1.7 тэрбум ам.доллар хулгайлсан хэмээн тооцоолсон 2022 оныхоос бага боловч хакердсан платформын тоогоороо урьд өмнө байгаагүй өндөр үзүүлэлтийг үзүүлжээ.
Суки Ким, Лазарус зэрэг хакерын бүлэглэлүүд их хэмжээний виртуал валютыг хулгайлахын тулд элдэв башир, хорлонтой аргыг ашиглах зэргээр Умард Солонгосын хакерын бүлэглэлүүдийн үйл ажиллагаа сүүлийн жилүүдэд эрс эрчимжиж байгааг Chainalysis-ийн зүгээс цохон тэмдэглэв.
Эх сурвалж: YTN