Токиод их цас орсны улмаас олон хүн хальтирч унан бэртжээ
2 сарын 6. 15:540

Японы зүүн нутгаар их хэмжээний цас орсны улмаас хүмүүс хальтирч унан бэртэх тохиолдол олширч, Токио хотод мягмар гаргийн өглөөний байдлаар 109 хүн эмнэлэгт хүргэгдсэн тухай Токиогийн гал түймэртэй тэмцэх албанаас мэдээлжээ.

Өглөөний 10:00 цагийн байдлаар эмнэлэгт хүргэгдсэн хүмүүсийн дунд 4-92 насныхан байсан ба амь насанд аюул учруулахуйц бэртэл авсан тохиолдол гараагүй байна. Мөн зэргэлдээх Канагава мужид таван хүн хүнд, 34 хүн хөнгөн, Сайтама мужид 12 хүн хөнгөн бэртсэн байна.

Японы Цаг уурын агентлаг есөн мужид их хэмжээний цас орохыг сэрэмжлүүлсэн анхааруулгаа цуцалсан боловч өглөө хүртэл зарим нутгаар цас бороо үргэлжлэн оржээ. Их хэмжээний цас орсны улмаас East Japan Railway компанийн Чүо, Оме чиглэлийн зарим хөдөлгөөнийг, Иокохама чиглэлийн зорчигч тээврийн үйлчилгээг түр зогсооход хүрсэн байна.

Мөн Токайдо Шинкансен шугамын суман галт тэрэгнүүд Токиогийн Шинагава өртөө болон Канагава мужийн Одавара өртөөний хооронд хурдаа сааруулан үйлчилгээ үзүүлжээ. Үүний зэрэгцээ “All Nippon Airways”, “Japan Airlines” компаниуд Токиогийн Ханэда нисэх онгоцны буудлаас хөөрч буух 30 орчим дотоодын нислэгийг цуцалжээ.

Даваа гаргийн оройны байдлаар, Гүнма мужийн Маэбаши хотод хамгийн их /11 см/ цас орсон бол Токиогийн төв болон Сайтама хотод тус бүр 8 см цас орсон байна.


Эх сурвалж: Kyodo /МОНЦАМЭ агентлаг/

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Зөвхөн баячуудын сонирхдог байсан хоргодох байрыг Германы дундаж давхаргынхан олноор захиалах болжээ
02024-7-15 4:15
Дональд Трамп руу зэвсэгт этгээд гал нээх үед юу болж өнгөрөв?
02024-7-14 19:10
БНХАУ: Төрөлт буурч, насжилт ихсэж байгаагаас цэцэрлэгүүдийг ахмадуудад зориулсан төв болгож эхэлжээ
02024-7-14 16:08
НҮБ: 60 жилийн дараа дэлхийн хүн ам 10.29 тэрбумд хүрнэ
02024-7-13 3:54
Дэлхийн нар, салхины эрчим хүчний нийт төслийн 64 хувь нь Хятадад хэрэгжиж байна
02024-7-13 3:45
Эдийн засгаараа Африкийн орнуудыг тэргүүлж асан Нигери улс гуравдугаар байр руу ухарчээ
12024-7-12 2:57
Хятадын зах зээлд тэсэж үлдэнэ гэдэг гадны автомашин үйлдвэрлэгчдийн хувьд томоохон сорил
12024-7-11 3:25
Honda компани Тайланд дахь нэг үйлдвэрийнхээ үйл ажиллагааг зогсоохоор болжээ
02024-7-10 14:36
Хиймэл оюун хувьсгал хийж, орлогын пирамидын оргилоос санхүүгийн салбарыг буулгав
02024-7-9 12:58
Копенхаген хотод хог түүсэн жуулчдад шагналтай
02024-7-9 12:26