Ургамлын генийг засварлах шинэ аргыг боловсруулжээ
2 сарын 16. 11:100

Ургамлын генийг засварлаж, ген өөрчлөгдөх явцыг хэд дахин хурдасгадаг шинэ аргыг Хятадын эрдэмтэд нээжээ.

Ийм судалгааг Шэньжэнь хотын шинжлэх ухаан, технологийн их сургуулийн эрдэмтэд хийсэн байна. Шинэ аргыг боловсруулахдаа ДНХ-ийн гинжин хэлхээг таслан салангид хэсгүүдийг нь өөр генээр солих боломжийг олгодог CRISPR/Cas молекулын мэс заслын технологийг ашиглажээ. Генийг засварлахад ихэвчлэн хэдэн сар, зарим тохиолдолд нэг жил хүртэлх хугацаа шаарддаг. Харин Хятадын эрдэмтдийн боловсруулсан шинэ арга нь энэ асуудлыг илүү үр дүнтэй, хурдан шийдвэрлэж, генийг өөрчлөхөд шаардагдах хугацааг хоёр долоо хоног болгон богиносгох ажээ. Шинэ аргын гол зарчим нь генетикийн засваруудыг зөв эсүүдэд хүргэх явдал юм. Тодруулбал, ургамлын хамгийн нөхөн төлжих чадвартай хэсгийг таслан авч, түүнийгээ тусгай уусмалд хийх бөгөөд үүний дараа ургамлын эд сэргэж, үргэлжлэн ургах юм. Энэ аргыг "таслах, дүрэх, нахиалах" (CDB) гэж нэрлэжээ.

Ихэнх ургамал ийм аргад тохиромжгүй байдаг нь генийг оновчтой засварлах аргыг хөдөө аж ахуйн салбарт өргөнөөр нэвтрүүлэхэд тулгарч байгаа гол бэрхшээл юм. "Ургамлын генетикийг өөрчлөхөд нарийн мэргэжлийн ажиллагаа шаардагддаг тул олон саад бэрхшээл тулгардаг. Одоогийн байдлаар маш цөөхөн ургамлыг генетикийн хувьд засварлах боломжтой" гэж шинэ аргыг боловсруулсан судалгааны багийн эрдэмтэн Цао Шюэсун ярилаа. Тэрбээр "CDB" аргыг генийг засварлах универсал арга болох боломжтойг онцлов.


Эх сурвалж: SCMP /МОНЦАМЭ агентлаг/

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Зөвхөн баячуудын сонирхдог байсан хоргодох байрыг Германы дундаж давхаргынхан олноор захиалах болжээ
02024-7-15 4:15
Дональд Трамп руу зэвсэгт этгээд гал нээх үед юу болж өнгөрөв?
02024-7-14 19:10
БНХАУ: Төрөлт буурч, насжилт ихсэж байгаагаас цэцэрлэгүүдийг ахмадуудад зориулсан төв болгож эхэлжээ
02024-7-14 16:08
НҮБ: 60 жилийн дараа дэлхийн хүн ам 10.29 тэрбумд хүрнэ
02024-7-13 3:54
Дэлхийн нар, салхины эрчим хүчний нийт төслийн 64 хувь нь Хятадад хэрэгжиж байна
02024-7-13 3:45
Эдийн засгаараа Африкийн орнуудыг тэргүүлж асан Нигери улс гуравдугаар байр руу ухарчээ
12024-7-12 2:57
Хятадын зах зээлд тэсэж үлдэнэ гэдэг гадны автомашин үйлдвэрлэгчдийн хувьд томоохон сорил
12024-7-11 3:25
Honda компани Тайланд дахь нэг үйлдвэрийнхээ үйл ажиллагааг зогсоохоор болжээ
02024-7-10 14:36
Хиймэл оюун хувьсгал хийж, орлогын пирамидын оргилоос санхүүгийн салбарыг буулгав
02024-7-9 12:58
Копенхаген хотод хог түүсэн жуулчдад шагналтай
02024-7-9 12:26