Дуучин, жүжигчин, бүжигчин Женнифер Лопез болон жүжигчин Бен Аффлек нар 17 жил өнгөрсөн хойно эргэн нийлсэн нь тухайн үедээ л олон нийтийг шуугиулж байсан билээ.

2003 онд дэлгэцнээ гарсан Gigli гэх киноны зураг авалтын үеэр танилцаж, 2003 ондоо багтан хуримлахаар төлөвлөж байсан ч хуримаа хойшлуулж, 2004 онд бүрмөсөн цуцалж байсан түүхтэй хос хоёрын хувьд 2021 онд буюу 17 жилийн дараа, хэд хэдэн салангид хуримын ёслолын дараагаар эргэн нийлсэн юм. Тэгвэл хос хоёр маань эл хайрын түүхээ баримтат кино болгожээ.

Мягмар гарагт Prime Video стрийминг сувгаар цацагдах тус кино нь “Хэзээ ч ярьж байгаагүй хамгийн агуу хайрын түүх” гэх нэртэй юм.

Тийнхүү киноны трэйлэр цацагдахтай зэрэгцэн бичлэгт Женнифер Лопез, “Би үлдсэн амьдралдаа түүнтэй л байхыг хүсэж байгаагаа мэдэж байсан. Би үүнийг сэтгэлдээ мэдэж л байсан. Гэхдээ надад тэр бүхэн биелэхгүй юм шиг санагдаж байсан нь намайг айлгаж байсан” гэжээ.

Эх сурвалж: In Style