БНСУ-ын ардчилсан намын дарга И Жэ Мён өчигдөр Үндэний ассамблейн 22-р чуулганы анхны нэгдсэн хуралдаан дээр “Би ард иргэдийнхээ төлөө төрийн үйл хэрэгт, тэр дундаа Үндэсний ассамблейн хууль тогтоох албан үүргээ идэвхтэй биелүүлнэ” хэмээн амлалаа.

Тэрээр “Үндэсний 22-р чуулган өнөөдөр эхэлж байна. Үндэсний хэмжээнд хямралтай буй өнөө цагт энэ чуулган иргэдэд ямар чухал ач холбогдолтойг би маш сайн ойлгож байна. Иймд би ард түмнийхээ өмнө хүлээсэн үүргээ умарталгүй хичээн ажиллана. Өмнөх чуулганы үеэр ард түмний ихэд дэмжсэн ч засгийн газар батлахаас татгалзсан хуулийн төслүүдийг бид аль болох түргэн дахин боловсруулна. Иргэдийнхээ амьжиргааг аль болох хурдан сайжруулах талаас ажиллана” хэмээн ярьжээ.

Мөн “Энэ удаагийн чуулган өмнөхөөс тэс өөр болно. Би ард түмнийхээ сайн сайхны төлөө ямар ч шийдвэр гаргаж, яаж ч тэмцэж чадна. Боломж нээгдмэгц би монгол морин цэргийнх шиг хурд, авхаалж самбаа дайчлан ажиллана. Хууль тогтоомжийн шинэчлэлийн төлөө дайчны хурдаар ажиллана” хэмээн онцлон тэмдэглэсэн байна.

“Монгол морин цэрэг шиг” гэдэг зүйрлэлийг Ардчилсан намын хууль тогтоогч Чун Дун Ён өмнө нь Үри намын даргаар ажиллаж байхдаа байнга хэлдэг байсан билээ. Харин И Жэ Мён 2007 онд Чун Дун Ён Ерөнхийлөгчид нэр дэвшиж байх үед түүнийг дэмжигчдийн кафед гүйцэтгэх захирал хийж явсан юм.

Эх сурвалж: Yonhap