ОХУ 200кг даацтай дөрвөн сэнстэй нисгэгчгүй төхөөрөмж буюу дрон туршжээ. Слав соёлын аянганы бурхан Перуны нэрээр нэрлэсэн тус дроныг ОХУ-ын Батлан хамгаалах яам өчигдөр/06.17/ танилцуулсан байна. Албаныхны мэдээлснээр тус дронын үйлдлийн системийг дотооддоо хөгжүүлсэн гэнэ.

Ажиглагчдын үзэж байгаагаар Перун дрон Украины Бабаяага дроныг дуурайх гэсэн Москвагийн оролдлого бололтой.

Батлан хамгаалах яамны мэдээлж байгаагаар Перун дроныг галын шугамаас шархадсан цэрэг татахад, цөөн хүнтэй тасгийг гэнэтийн цохилт өгөх байршилд хүргэх зэргээр ашиглаж болох агаад автомат буу, пуужин харвагчаар зэвсэглэн хөгжүүлэх төлөвлөгөө бий гэнэ.

Эх сурвалж: RT