Хагас сая цагаач АНУ-ын иргэншил авах боломжтой болжээ
6 сарын 19. 12:230

АНУ-д хууль бусаар оршин сууж байгаа, албан ёсоор албадан гаргах гэж буй, АНУ-ын иргэдтэй гэрлэсэн хэдэн зуун мянган хүнд өршөөл үзүүлэхээ Ерөнхийлөгч Жо Байден мэдэгдлээ.

Хууль бус цагаачлал нь АНУ-ын сонгуулийн кампанит ажлын хамгийн чухал асуудлуудын нэг болоод байгаа юм. Бүгд найрамдах намын дэмжигчдийн 90 гаруй хувь нь хууль бус цагаачлалыг тус улсын үнэт зүйлс, амьдралын хэв маягт учирч буй гол аюулуудын нэг гэж үзэж байгааг олон нийтийн санаа бодлыг судалдаг “Гэллап” хүрээлэнгээс өнгөрсөн онд явуулсан судалгаа харуулжээ. Аль намыг дэмжихээ хараахан шийдээгүй байгаа оролцогчдын 54 хувь нь, Ардчилсан намыг дэмжигчдийн 29 хувь нь үүнтэй санал нэг байна.

Саяхан тавдугаар сарын сүүлчээр Жо Байден АНУ-Мексикийн хилээр нэвтэрч буй цагаачдын урсгалыг хязгаарлах зорилготой тогтоол гаргасан юм. АНУ-ын хилээр хууль бусаар нэвтэрсэн хүмүүст орогнол хүсэхийг хориглох боловч энэхүү арга хэмжээ өмнөд хилийн "ачаалал багасах" хүртэл хэрэгжинэ гэж гэж тэрбээр мэдэгдсэн. Ийм тогтоол гарснаар цагаачлалын албаны ажилтнууд цагаачдын оршин суух хүсэлтийг хүлээн авахгүйгээр албадан гаргах эрхтэй болжээ. Харин энэ удаад АНУ-ын Ерөнхийлөгчийн засаг захиргаа тус улсад 10-аас доошгүй жил оршин суусан, АНУ-ын иргэнтэй гэр бүл болсон хүмүүст түр ажиллах зөвшөөрөл олгох замаар дэмжлэг үзүүлэх шийдвэр гаргажээ. Америкийн эрх баригчдын үзэж байгаагаар, 500 мянга гаруй хүн шинэ журмын давуу талыг ашиглах боломжтой. Энэхүү шинэ бодлого нь мөн эцэг, эх хоёрынх нь аль нэг нь АНУ-ын иргэнтэй гэрлэсэн хууль бус цагаач, 21-ээс доош насны 50 мянган залуугийн нөхцөл байдлыг сайжруулна гэж үзэж байна.

Ерөнхийлөгчийн эл санаачилга нь АНУ-д хууль бусаар ирсэн хүүхдүүдийг албадан гаргах хугацааг хойшлуулах тухай Барак Обамагийн санаачилсан хөтөлбөрийн дараа орох цагаачдад туслах хамгийн том хөтөлбөр болж байгаа ажээ.

Хүүхэд байхдаа АНУ-д ирсэн 530 мянга гаруй цагаачийг албадан гаргахаас хамгаалсан тогтоол гарсны 12 жилийн ой энэ мягмар гарагт тохиожээ.

 

Эх сурвалж: МОНЦАМЭ агентлаг

Энэ мэдээнд өгөх таны сэтгэгдэл?
1
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Зөвхөн баячуудын сонирхдог байсан хоргодох байрыг Германы дундаж давхаргынхан олноор захиалах болжээ
02024-7-15 4:15
Дональд Трамп руу зэвсэгт этгээд гал нээх үед юу болж өнгөрөв?
02024-7-14 19:10
БНХАУ: Төрөлт буурч, насжилт ихсэж байгаагаас цэцэрлэгүүдийг ахмадуудад зориулсан төв болгож эхэлжээ
02024-7-14 16:08
НҮБ: 60 жилийн дараа дэлхийн хүн ам 10.29 тэрбумд хүрнэ
02024-7-13 3:54
Дэлхийн нар, салхины эрчим хүчний нийт төслийн 64 хувь нь Хятадад хэрэгжиж байна
02024-7-13 3:45
Эдийн засгаараа Африкийн орнуудыг тэргүүлж асан Нигери улс гуравдугаар байр руу ухарчээ
12024-7-12 2:57
Хятадын зах зээлд тэсэж үлдэнэ гэдэг гадны автомашин үйлдвэрлэгчдийн хувьд томоохон сорил
12024-7-11 3:25
Honda компани Тайланд дахь нэг үйлдвэрийнхээ үйл ажиллагааг зогсоохоор болжээ
02024-7-10 14:36
Хиймэл оюун хувьсгал хийж, орлогын пирамидын оргилоос санхүүгийн салбарыг буулгав
02024-7-9 12:58
Копенхаген хотод хог түүсэн жуулчдад шагналтай
02024-7-9 12:26