Орон нутгий цагаар 22-ны өглөө Австралийн Мельбурн хотын ойролцоо 5.6 баллын хүчтэй газар хөдлөлт болсон тухай гадаадын томоохон хэвлэлүүд мэдээлэв.

AFP болон DPA мэдээллийн агентлагуудын мэдээлснээр, газар хөдлөлтийн голомт нь Мельбурн хотоос зүүн хойд зүгт 200 км-ийн зайд орших Мансфилд хотын ойролцоо байсан бөгөөд газар хөдлөлтийн голомтын гүн 10 км байжээ.

Түүнчлэн газар хөдлөлт хэдэн зуун километрийн цаана орших Мельбурн хотын төвд мэдрэгдсэн байна. Газар хөдлөлтийн улмаас хэр хэмжээний хохирол учирсан талаар одоогоор тогтоогоогүй байна.

Германы Дэлхийн шинжлэх ухааны судалгааны төв (GFZ) энэ удаагийн газар хөдлөлтийг 5.6 балл байсан гэж мэдэгдсэн бол АНУ-ын Геологийн судалгааны албанаас (USGS) 5.8 байсан хэмээн мэдээлэв.

Эх сурвалж: Asian Economy