ОХУ-ын сангийн дэд сайд Алексей Моисеевийн мягмар гарагт мэдээлснээр, тус улсын засгийн газраас Оросын нутаг дэвсгэрт криптовалютыг хориглох ямар ч санаа байхгүй хэмээжээ.

Тэрээр, “ОХУ-ын нутаг дэвсгэрт криптовалютаар төлбөр тооцоо хийх хориотой. Гэхдээ оросууд цахим хэтэвч хэрэглэх эрх нь нээлттэй байгаа. Би хувьдаа нөхцөл байдал энэ хэвээрээ үргэлжилнэ гэж найдаж байна. Одоогоор нөхцөл байдлыг өөрчлөх ямар ч санаа байхгүй” гэж мэдэгдсэн байна.

ОХУ энэ оны эхнээс криптовалютыг өмчийн нэг хэлбэрээр хүлээн зөвшөөрсөн юм. Улмаар ард иргэд криптовалютаар гүйлгээ хийж болох ч төлбөрийн хэрэгсэл болгон ашиглах нь хориотой ажээ.

Эх сурвалж: ТАСС