Испани улсад харьяатай Канарын арлуудад оршин суудаг хятадууд Кумбре Вэйя галт уулын дэлбэрэлтэд өртөж, хохирсон ард иргэдэд туслахаар 40 мянган еврогийн хандив, бас бус хамгаалалтын хэрэгслийг цуглуулжээ.
Цугласан хандивыг Канарын арлуудад амьдардаг хятадуудын төлөөлөл эрх баригчдад хүлээлгэн өгсөн байна.
Төлөөлөгчдийн нэг болох Шү Лэйжианы телевизэд өгсөн ярилцлагадаа, “Бид энд өсөж төрсөн болохоор яг л Канарын арлын иргэд шиг өөрсдийгөө мэдэрдэг. Бид хэдий хятад хүн ч гэлээ Канарын арал бол бидний хувьд хоёр дахь гэр минь гэсэн үг” хэмээжээ.
Галт уул дэлбэрснээс хойш өдгөө 25 хоногийн нүүрийг үзэж байгаа ч аюул холдох болоогүй байгаа юм. Улмаар даваа гарагт галт уулын хайлмаг цементийн үйлдвэрийг дайрснаар хорт хий ялгарч, тухайн бүсэд оршин суудаг ард иргэд гэр гэртээ хөл хорионы дэглэм баримталж байгаа ажээ.
Эх сурвалж: Xinhua