Холливуудын нэрт жүжигчин өдгөө 63 настай Алек Болдуины кино зураг авалтын үеэр буудсан суманд кино багийн хоёр гишүүн өртөж нэг нь амиа алдсан харамсалтай явдал болжээ.
CNN болон Франс-Пресс агентлагийн орон нутгийн цагаар 22-ны өдөр мэдээлснээр, "Rust" буюу “Зэв” нэртэй киноны зураг авалтын үеэр 21-ний өдрийн 13:50 цагийн орчимд Болдуин тулгуурт буугаар буудаж байгаад 42 настай зураглаач Хелена Хатчинс хэвлий тус газар нь оносон бол 48 настай найруулагч Жоэл Соуза мөн бэртэл авсан байна. Тус кинонд Болдуин өөрөө жүжигчин болоод найруулагчаар ажиллаж байгаа бөгөөд 19-р зууны Нью-Мексикогийн байдлыг харуулсан өрнөдийн кино аж.
Зураглаачийг тэр даруй нисдэг тэргээр Нью-Мексикогийн их сургуулийн эмнэлэгт хүргэсэн хэдий ч удалгүй нас барсан гэв. Харин бэртэл авсан найруулагчийг түргэн тусламжийн машинаар эмнэлэгт хүргэсэн бөгөөд биеийн байдал нь одоогоор тодорхойгүй байна. Кино баг болон Болдуин аль аль нь одоогоор мэдэгдэл хийгээгүй байгаа аж.
Зүүн гар талаас Хелена Хатчинс, Жоэл Соуза
Цагдаагийн байгууллагын зүгээс "Мөрдөн байцаалтын ажиллагаа үргэлжилж байгаа бөгөөд эрүүгийн хэрэг үүсгээгүй" гэж онцолжээ.
Эх сурвалж: JoongAng