Ливийн дарангуйлагч асан Муаммар Каддафигийн хүү сүүлийн арван жилд анх удаа олны өмнө гарч, арванхоёрдугаар сард болох ерөнхийлөгчийн сонгуульд нэр дэвшихээ зарлажээ.

Өдгөө 49 настай Сайд аль-Ислам Каддафи Ливийн сонгуулийн хорооноос нийтэлсэн бичлэгт бор өнгийн нөмрөг бүхий өмсгөл, тюрбан алчуур, буурал сахал, нүдний шилтэй үзэгдэх бөгөөд ерөнхийлөгчөөр нэр дэвших маягтуудад гарын үсгээ зурж байх юм.

Ливийн энэ удаагийн ерөнхийлөгчийн сонгуульд Каддафигаас өгсүүлэн хэд хэдэн сонирхолтой хүн нэр дэвшиж байгаа нь армийн командлагч Халифа Хафтар, ерөнхий сайд Абдулхамид аль-Дбейбах болон парламентын илтгэгч Агуйла Салех нар юм.

Сайд аль-Ислам Каддафигийн хувьд эцгийнхээ дарангуйллын үед улсдаа хүчин зүтгэж явсан ч Муаммар Каддафи амиа алдсанаас хойш олон нийтийн өмнө огт үзэгдээгүй байжээ. Тийнхүү түүний ерөнхийлөгчид нэр дэвших шийдвэр олныг гайхуулаад байгаа бөгөөд зарим хүмүүс үүнийг хүлээн зөвшөөрч боломгүй зүйл хэмээн буруушааж байгаа юм.

Эх сурвалж: CNN