Better.com сайтын захирал Вишаль Гарг өнгөрөгч долоо хоногт Zoom хурал зохион байгуулж, 900 гаруй ажилтнаа ажлаас нь чөлөөлжээ.
Тэрээр цахим хурлын үеэр, “Хэрэв та бүхэн энэхүү дуудлагыг хүлээн авч, хуралд оролцож байгаа бол та халагдах тушаал нь гарсан ажилтнуудын тоонд багтсан гэсэн үг юм. Улмаар та бүхэн даруй ажлаа хүлээлгэн өгөх хэрэгтэй” хэмээсэн байна. Харин гэнэт ажлаас халагдсаны тэтгэмж, хөдөлмөрийн гэрээний асуудлыг хүний нөөцийн албанаас нь шийдэж өгөх гэнэ.
Ийнхүү гэнэт олноор халах болсон шалтгааныг ноён Гарг тайлбарлахдаа ажилчдын бүтээмжийн үзүүлэлт, хэр үр ашигтай ажиллаж байгаагаас хамаарсан гэж тайлбарласан байна.
Эх сурвалж: CNN