Коронавирусийн шинэ хувилбар гарсантай холбогдуулан томоохон байгууллагууд оффис цуглах товоо эргэн харж байгаа билээ. Тэгвэл Форд Мотор корпорац ч тэдгээр байгууллагын эгнээнд нэгджээ. Улмаар Фордын зүгээс даваа гарагт хийсэн мэдэгдэлдээ ажилчдаа ирэх оны гуравдугаар сарыг хүртэл оффисоор ажиллуулахгүй гэсэн байна.
Тус корпорацын хувьд 2020 оны тавдугаар сараас эхлэн нэн шаардлагатай ажилчид оффисоос ажиллах болсон бол зайнаас ажиллаж болох хүмүүсээ оффист цуглахыг тулгаагүй юм. Тийнхүү ирэх оны нэгдүгээр сар хүртэл оффис цуглахгүй байхаар шийдвэрлээд байсан тэдний омикрон хувилбараас үүдэн дахин товоо хойшлуулжээ.
Тус шийдвэр Фордын нийт 30 мянган ажилчдад хамаарах бөгөөд тэд ирэх хоёр болон гуравдугаар сараас л боломжит ажилчдаа гэр, цахим хосолмол, уян хатан нөхцөлд ажиллуулах гэнэ.
Эх сурвалж: CNN