Японы Nihon Keizai Shimbun сонинд бичсэнээр, 2011 онд Фукушима Дайчигийн станцад тохиолдсон ослын дараа цөмийн эрчим хүчнээс татгалзах хандлага ажиглагдаж байсан Европын улс орнуудад сүүлийн үед цөмийн эрчим хүчийг эргэн ашиглаж эхлэх хөдөлгөөн өрнөж байгаа талаар онцолжээ.
Европын Комиссын Ерөнхийлөгч Урсула фон дер Лейен өнгөрөгч аравдугаар сард “Бидэнд эрчим хүчний тогтвортой эх үүсвэр болох цөмийн эрчим хүч хэрэгтэй” хэмээн хэлж байсан юм.
Францын Ерөнхийлөгч Эммануэль Макрон эрчим хүчний бие даасан байдлыг бий болгож, уур амьсгалын өөрчлөлтөд хариу арга хэмжээ авахын тулд дотоодын цөмийн цахилгаан станцуудын барилгын ажлыг дахин эхлүүлнэ гэдгээ арваннэгдүгээр сард мөн зарласан билээ.
Нидерланд саяхан нийт таван тэрбум еврогийн өртөгтэй хоёр цөмийн цахилгаан станц барих төлөвлөгөөгөө гаргаад байгаа бол Польш улс мөн анхны цөмийн цахилгаан станцаа барихаар төлөвлөөд байгаа юм.
Цөмийн эрчим хүчнээс татгалзах бодлогыг чанд баримталдаг Европын хамгийн том төлөөлөгч болох Германд улс ч байгалийн хийн Оросоос хараат байдал, түүнийг дагасан үнийн өсөлт зэрэг асуудал нөлөөлсний үндсэн дээр ирэх оны сүүлчээр хэрэгжүүлж эхлэхээр төлөвлөж байсан цөмийн зэвсгээс татгалзах бодлогыг хойшлуулах талаар яригдаж байна гэж тус сонинд бичжээ.
Эх сурвалж: MBC