Пүрэв гарагт Саудын Хэвлэлийн Агентлагаас мэдээлснээр тус улс есдүгээр сарыг дуустал өдөрт олборлох газрын тосны хэмжээгээ 1 сая баррелиар бууруулах болжээ. Улмаар Саудын Араб улс есдүгээр сард өдөрт ойролцоогоор 9 сая баррель газрын тос олборлох гэнэ.
Саудын Араб улсын хувьд өнгөрөгч зургаадугаар сард өдөрт олборлох газрын тосны хэмжээгээ 1 сая баррелиар бууруулах шийдвэр гаргаж байсан бөгөөд тус шийдвэрийг гаргахдаа наймдугаар сарыг дуустал хүчинтэй хэмээж байсан юм. Гэвч пүрэв гарагт шийдвэрлэснээр тэд уг тогтоолыг нэг сараар сунгажээ.
Уг шийдвэрийг гарсан даруй олон улсын зах зээлд газрын тосны үнэ өсөх болсон байна.
Эх сурвалж: CNBC