Бямба гарагт Турк улсын засгийн газар орон даяар эрчим хүч, байгалийн хийн үнийг эрс нэмжээ. Гэвч үнийн өсөлт дан ганц байгалийн хий, эрчим хүчний салбарыг дайраад зогсохгүй шатахуун, автомашины даатгал, гүүр ашиглалтын хураамж зэргийг ч хамарсан байна.
Улмаар аль хэдийнээ инфляцын түвшин нь урьд хожид байгаагүй өндөрт хүрсэн тус улсын эдийн засаг бүр л хүндхэн нөхцөл байдалд хүрчээ.
Тийнхүү 2022 онд эрчим хүчний үнэ жирийн айл өрхүүдийн хувьд 50 хувиар өссөн бол арилжааны хэрэглэгч нарт эрчим хүчийг 125 хувийн өсөлттэйгөөр нийлүүлэх болсон байна.
Харин байгалийн хийн хувьд орон сууцны зориулалтаар хэрэглэхэд 25 хувь, аж үйлдвэрийн зориулалтаар хэрэглэхэд 50 хувиар тус тус үнэ нь нэмэгдсэн юм.
Эх сурвалж: The Reuters