Их Британийн жижиглэн худалдааны Marks & Spencer компани Украины дайнаас үүдэн 17 жилийн дараа Оросын зах зээлийг орхих болжээ.

Тэдний зүгээс өнгөрөгч гуравдугаар сард ОХУ руу бараа бүтээгдэхүүн нийлүүлэхээ зогсоосон гэдгээ мэдэгдэж, франчайзын гэрээнээс үүдэн Оросын зах зээлийг бүрмөсөн орхиход бэрхшээлтэй байгаагаа тайлбарласан байна.

Улмаар лхагва гарагт BBC агентлагаас мэдээлснээр Marks & Spencer компани франчайзын гэрээ байгуулсан компанитайгаа хэлэлцээр хийх хүртэлээ ОХУ-ын нутаг дэвсгэр дээрх бүх дэлгүүрээ нээлттэй орхиж, үлдсэн үйл ажиллагаагаа бүрэн зогсоох болсон юм. Харин хэлэлцээр хийсний дараагаар тэд тус улсын зах зээлийг бүрэн орхих ажээ.

M&S компанийн хувьд ОХУ-ын зах зээлийг орхиогүйд олон улсын зүгээс ихээхэн шүүмжлэл хүртээд байсан юм. Тийнхүү тэд эцэст нь тус улсын зах зээлийг орхихоор шийдсэн ч энэхүү шийдвэрийнхээ уршгаар нийт 31 сая ам.долларын хохирол амсах тооцоо гарчээ.

Эх сурвалж: BBC