Энэтхэгийн Эйр Индиа компани агаарын тээврийн түүхэн дэх хамгийн том худалдан авалтуудын нэгийг хийхээр төлөвлөх болжээ. Тодруулбал, тус авиакомпани ирэх 5 жилийн хугацаанд нийт 200 гаруй агаарын хөлгийг худалдан авах гэнэ.
Эх сурвалжийн мэдээлж байгаагаар худалдан авах нийт онгоцны 70 орчим хувь нь нарийн биетэй буюу нэг коридорт агаарын хөлөг байх бол үлдсэн нь өргөн биетэй буюу хоёр коридорт агаарын хөлгүүд байх ажээ. Түүний өгүүлснээр, Эйр Индиа компани Эйрбус болоод Боинг компаниас тус, тус онгоц худалдан авч байгаа ч Боинг компанийн хүргэлт саатаж байгаа гэнэ.
Эх сурвалжийг ийн мэдэгдэхээс өмнө Эйрбус компанийн Худалдаа хариуцсан ахлах ажилтан Кристиан Шерер Эйр Индиаг бүтцийн өөрчлөлт хийж, флотынхоо онгоцыг шинэчлэх асуудлыг авч үзэж байгаа хэмээсэн юм.
Түүнчлэн мэдээллийн агентлагуудын мэдээлж байгаагаар тэд Эйрбус компанийн А350 хөлгийг худалдан авахаар төлөвлөж байгаа бөгөөд нисгэгч нараа ч тус загварын хөлгийг жолоодох сургалтад хамруулж байгаа гэнэ.
Эх сурвалж: Economic Times