Мягмар гарагт АНУ-ын ерөнхийлөгч Жо Байдены засгийн газраас 36 компанийг худалдааны хар жагсаалтад оруулжээ. Тэгвэл хар жагсаалтад орсон компаниудын дунд Хятадын 5 компани багтсан нь АНУ-ын зүгээс тэднийг ОХУ-ын арми, батлан хамгаалахын аж үйлдвэрийн баазыг дэмжиж байна гэж буруутгасантай холбоотой гэнэ.

Холбооны бүртгэлийн газраас мэдэгдсэнээр хар жагсаалтад ОХУ, АНЭУ, Литва, Пакистан, Сингапур, Их Британи, Узбекистан, Вьетнамын аж ахуй нэгжүүд багтсан гэсэн юм.

Тийнхүү жагсаалтыг танилцуулсан хойно холбогдох албанаас, “Өнөөдрийн энэ үйл явдал ОХУ-д тусламж дэмжлэг үзүүлэхээр оролдсон тохиолдолд АНУ тэднээс харилцаагаа бүрэн таслах болно гэсэн маш хүчтэй мессежийг дэлхий даяар түгээж байна.

Хэрэв гадаадын аж ахуй нэгжүүд АНУ-ын хууль дүрмийг зөрчвөл бид тухайн байгууллага аль улсад харьяатайгаас үл хамааран арга хэмжээ авах болно” хэмээжээ.

АНУ-ын хувьд дайн эхэлснээс хойш ОХУ-ын аж ахуй нэгжүүд, олигархууд болон хувь хүмүүсийн эсрэг олон хориг тавьж байгаа юм.

Эх сурвалж: Nikkei Asia