Цахим худалдааны салбарыг тэргүүлэгчдийн нэг Amazon компани хиймэл оюун ухааны Anthropic фирмд 4 тэрбум ам.долларын хөрөнгө оруулах болжээ. Энэ талаар тэд даваа гарагт мэдэгдсэн байна. Улмаар Amazon компани тус фирмд цөөнхийн байр суурийг эзлэх болжээ.
Эл алхмыг CNBC сувгаас тайлбарласнаар Amazon хиймэл оюун ухааны салбарт ийн хүч түрэн орж ирсэн нь тэд Microsoft, Google компаниудтай эн зэрэгцэх гэж хичээсэн явдал гэсэн юм.
Anthropic фирмийн хувьд хоёр жил хүрэхгүй хугацааны өмнө үүсгэн байгуулагдсан бөгөөд тэд саяхан Claude 2 гэх чатботыг хэрэглээнд нэвтрүүлсэн билээ.
Үйл явдлын хүрээнд Amazon болон Anthropic компаниас мэдээлснээр тэд хиймэл оюун ухааныг хөгжүүлэхийн тулд стратегийн хамтын ажиллагааг бий болгож буй гэжээ.
Эх сурвалж: CNBC