АНУ-д худалдаалагдаж эхлээд буй Apple компанийн бодит болон хийсвэр холимог орчинд аваачих Vision Pro төхөөрөмжийг АНУ-аас бусад улс орнуудад 2-3 дахин өндөр үнээр зарж борлуулах тохиолдол ажиглагдах болжээ.
АНУ-ын эдийн засгийн хэвлэл мэдээллийн Business Insider сайтын мэдээлснээр, Gumtree худалдааны платформ дээр Vision Pro-г 7500 фунт стерлингээр борлуулахаар зар байршуулсныг онцолсон байна.
Түүнчлэн зөвхөн Европ, Ази гэлтгүй дэлхий даяар энэхүү шинэ төхөөрөмжийг дамлаж зарах үзэгдэл ихээхэн ажиглагдах болжээ. Тухайлбал Facebook Marketplace дээр ч 5000 орчим фунт стерлингээр борлуулах зар сүүлийн үед олноор харагдах болсон байна.
АНУ-д борлуулагдаж эхэлсэн Vision Pro-ийн албан ёсны үнэ нь 3500 ам.доллар юм.
Apple компани нь өнгөрөгч 2-ны өдрөөс эхлэн зөвхөн АНУ-д Vision Pro-г худалдаалж эхэлсэн бөгөөд Европ, Ази зэрэг бусад бүс нутагт хэзээнээс худалдаанд гарах талаар хараахан зарлаагүй байгаа билээ.
Эх сурвалж: MBC