АНУ-ын эдийн засгийн уналт, аж ахуйн нэгжүүдийн орлого муудаж буйд санаа зовниж буй энэ үед Apple, Amazon, Meta зэрэг томоохон технологийн компаниуд энэ долоо хоногт 2-р улирлын үр дүнгээ ар араасаа зарлах төлөвлөгөөтэй байна.

FactSet санхүүгийн шинжилгээний фирмийн мэдээлснээр S&P 500 зэрэг компаниудын гуравны нэгээс илүү хувь нь энэ долоо хоногт өнгөрсөн улирлын ашгаа тайлагнах аж.

Google-ийн толгой компани Alphabet болон Microsoft компаниуд 26-нд, Meta 27-нд, Apple болон Amazon 28-нд тус тус 2-р улирлын ашгаа танилцуулах аж.

Эхний улиралд долоон жилийн хугацаанд анх удаагаа алдагдалтай ажилласан Аmazon 2-р улиралд ашигтай ажилласан байх магадлалтай байна.

Харин Apple компанийн хувьд өмнөх оны мөн үеэс 13 хувиар буурсан буюу 18.81 тэрбум ам.долларын ашигийг, Мicrosoft өнгөрсөн оны мөн үеэс 5 хувиар өссөн буюу 17.29 тэрбум ам.долларын ашигтай ажилласнаа тус тус тайлагнах төлөвтэй байгаа аж.

Түүнчлэн Alphabet болон Meta компаниудын ашиг орлого өнгөрсөн оны мөн үетэй харьцуулахад буурсан гэсэн тооцоо гарчээ.

Үүнээс гадна Coca-Cola, McDonald's, General Motors, General Electric, Boeing, Ford, Qualcomm, AstraZeneca, Sony компаниуд мөн ашиг орлогоо тайлагнах юм.

FactSet фирмийн тооцоолж буйгаар 2-р улирлын орлогын нийт өсөлт 4.8 хувь байх төлөвтэй байгаа нь 2020 оны сүүлээс хойших хамгийн бага өсөлт хэмээв.

Эх сурвалж: SBS