Турк улсын Батлан хамгаалах яамнаас мэдээлснээр ням гарагт үр тариа тээвэрлэсэн дөрвөн хөлөг онгоц Украины хоёр боомтоос далайд гарчээ. Тодруулбал, Украины Одесса боомтоос нэг хөлөг онгоц, Черноморск боомтоос гурван хөлөг онгоц хөдөлсөн байна.
Энэ удаагийн үр тарианы тээвэрт Мустафа Некати хөлөг онгоц 6000 тонн наранцэцэгийн тос ачин Итали улсыг, Стар Хелена хуурай тээврийн хөлөг онгоц 45,000 тонн наранцэцэгийн үр ачин Хятад улсыг, Глори хөлөг онгоц 66,000 тонн эрдэнэ шиш ачин Станбул хотыг, Рива Вийнд задгай тээвэрлэгч 44,000 тонн эрдэнэ шиш ачин Туркийн Искендерунийг тус тус зорьжээ.
Турк, Орос, Украин улсууд өнгөрөгч сарын 22-ны өдөр Украины үр тариаг дэлхийн зах зээлд гаргах хүмүүнлэгийн коридорын хүрээнд тохиролцоонд хүрч, гэрээ байгуулсан билээ. Улмаар өнгөрөгч даваа гарагт Разони гэх хөлөг онгоц хүмүүнлэгийн коридороор анхлан зорчсон бол баасан гарагт гурван хөлөг онгоц зорчиж, ням гарагт дээрх дөрвөн хөлөг далайд гарчээ.
Эх сурвалж: ТАСС
Ккк. Африк, Арабын орнууд турж үхлээ! Эвии минь! Халаг минь! гээд орилоод байсан чинь Ёвропууд өөрсдөө идэш тэжээлийн хомсдолд орцон байсийм биш үү??!! Эхний рэйсийн буудай Италийн боомт руу яагаад очдог билээ??