Даваа гарагт Цагаан Ордноос нийтэлсэн ерөнхийлөгчийн ажлын хуваариас үзвэл өнөөдөр буюу наймдугаар сарын 9-ний өдөр АНУ-ын ерөнхийлөгч Жо Байден Швед, Финлянд улсын НАТО-д элсэх протоколыг үзэглэх ажээ.
Мэдэгдэлд тэмдэглэснээр, “Үдээс хойш ерөнхийлөгч үг хэлж, Бүгд Найрамдах Финлянд улс болоод Шведийн Вант улсын НАТО-д элсэх протоколыг соёрхон үзэглэх болно” гэсэн юм. Улмаар протоколыг үзэглэх ёслолын ажиллагаа Москвагийн цагаар 21:00 цагт болох ажээ.
АНУ-ын Конгрессын зүгээс энэ сарын 3-ны Швед, Финлянд улсын НАТО-д элсэх хүсэлтийг баталсан бөгөөд тэдгээр улсын НАТО-д гишүүнээр элсэх хүсэлтийг баталсан 23 дахь оронд болсон юм.
Тийнхүү 73 жилийн турш НАТО болон ОХУ-ын хооронд төвийг сахисан байр суурьтай байж ирсэн Швед, Финлянд улсууд одоо ердөө 7 улсын саналыг авч чадваас НАТО-д элсэх ажээ.
Эх сурвалж: ТАСС