Лхагва гарагт Япон улсын засгийн газраас танилцуулсан тоон мэдээллээр тус улсын хүн амын тоо урьд өмнө байгаагүй хурдацтайгаар буурч байгаа ч гадаад оршин суугчдын тоо бараг 3 саяд хүрсэн гэжээ.

Тодруулбал, Япон улсын хүн амын тоо 14 дэх жилдээ дараалан буурч 122.42 саяд хүрсэн бөгөөд энэ нь өнгөрөгч оны үзүүлэлтээс даруй 800,000 хүнээр цөөрсөн үзүүлэлт юм. Улмаар тоон мэдээллээс үзвэл Япон улсын хүн амын тоо анх удаагаа 47 мужид бүгдэд нь буурсан үзүүлэлттэй гарчээ.

Харин тус улсад амьдран суугаа гадаад оршин суугчдын тоо 2.99 саяд хүрч байсан нь өнгөрөгч оны үзүүлэлтийг 10.7 хувиар нэмэгдүүлсэн тоо юм.

Тийнхүү япон үндэстэн хийгээд гадаадын оршин суугчдын нийлбэр, нийт хүн амын тоо нь 125.42 сая гэж гарснаар тус улсын нийт хүн амын тоо өнгөрөгч оны үзүүлэлтээс 511,000 хүнээр буурчээ.

Эх сурвалж: The Reuters