Өнгөрсөн долдугаар сард Хятадын хэрэглээний үнийн инфляци сүүлийн хоёр жилийн дээд түвшинд хүрсэн байна.

Хятадын Үндэсний статистикийн товчоо орон нутгийн цагаар 10-ны өдөр мэдээлснээр, тус улсын хэрэглээний үнийн индекс өнгөрөгч долдугаар сард өнгөрсөн оны мөн үеийнхээс 2.7 хувиар өссөн тухай онцлов.

Ингэснээр 2020 оны долдугаар сараас хойших хамгийн өндөр үзүүлэлт болжээ.

Инфляцид чухал нөлөө үзүүлдэг хүнсний бүтээгдэхүүний үнэ 4.7 хувиар өссөн нь уг үзүүлэлтэд ихээхэн нөлөөлсөн гэж үзэж байгаа аж.

Тус улсын инфляцийн түвшинд онцгой нөлөө үзүүлж буй гахайн махны үнэ 20.2 хувиар, жимс жимсгэнэ 16.9 хувиар, хүнсний ногоо 12.9 хувиар, тос 6.8 хувиар, өндөгний үнэ 5.9 хувиар тус тус өссөн байна.

Эх сурвалж: YTN