Uber Eats хувьцаат компани жолоочгүй автомашин үйлдвэрлэгч Nuro компанитай олон жил хамтран ажиллах гэрээ байгуулсан тухайгаа Пүрэв гарагт мэдэгдлээ. Тэд ирэх намраас эхлэн Техас болон Калифорни мужийн Хьюстон ба Маунтин-Вью хотуудын хэрэглэгчдэдээ захиалсан хүнсийг нь жолоочгүй машинаар хүргэж өгөхөөр болжээ.
Uber Eats-ийн хувьд хоёр дахь удаагаа жолоочгүй автомашины компанитай хамтран ажиллаж буй. Үүнээс өмнө Motional компанитай түншлэн өмнөх тавдугаар сараас эхлэн Санта Моника хотод жолоочгүй хүргэлтийн үйлчилгээ нэвтрүүлсэн юм. Uber дараачийн шатанд Сан Францискогийн Бэй Арияг хараандаа аваад байна.
Nuro-ийн R2 жолоочгүй автомашин нь авсаархан, 230 орчим килограмм хүнс тээвэрлэх чадалтай, дотроо халуун баригч, хөргөгч хоёрыг зэрэг багтаасан байдаг. Тус компанийн жолоочгүй тээврийг Uber-ээс гадна Walmart, Kroger, Domino’s, 7-Eleven зэрэг Америкийн хүнсний салбарын топ компаниуд ашиглаж байна.
Эх сурвалж: Freight Waves