Япон улс АНУ зэрэг зарим орноос богино хугацаагаар аялахаар ирсэн жуулчдад визгүй нэвтрэх эрх олгож, нэг өдөрт хүлээн авах гадаад иргэдийн тооны дээд хязгаарыг ирэх аравдугаар сараас эхлэн бүрэн цуцалж байна.
Дэлхий даяар аялал жуулчлалын салбар сэргэж, орлого нэмэгдэж буй энэ үед Япон улс хоцрохыг хүссэнгүй. Тэрчлэн, сүүлийн хоёр жилийн доод түвшинд хүртэл унаад байгаа иений ханшийг сэргээхэд аялал жуулчлалын салбар чухал нөлөөтэй гэж үзсэн байна. Тиймээс өнгөрсөн долоо хоногт нэг өдөрт хүлээн авах аялагчдын дээд хязгаарыг 20,000 байсныг 50,000 болтол нэмсэн төдийгүй тус улсад ирэхийн өмнө ковидын шинжилгээ өгсөн байх шаардлагаа цуцалсан байсан. Харин аравдугаар сараас эхлэн жуулчдын тоонд хязгаар тавихаа зогсоох ажээ.
Японы Ерөнхий сайд Фумио Кишида дээрх өөрчлөлтүүдийн талаар ойрын өдрүүдэд албан ёсны мэдэгдэл хийнэ гэж Nikkei Asia агентлаг бичжээ. Ковидын цар тахал дэгдэхээс өмнө Япон улс дэлхийн 68 орны иргэдийг визгүй хүлээн авдаг байсан юм.
Эх сурвалж: Reuters