Лхагва гарагт АНУ-ын төв банк буюу ХНС хуралдаж, бодлогын хүүдээ өөрчлөлт оруулахгүй байхаар шийдвэрлэжээ.

BBC сувгаас мэдээлснээр ХНС бодлогын хүүдээ өөрчлөлт оруулалгүй, тогтвортойгоор хадгалсан ч тус улс дахь инфляц тогтворжсон гэж хэлэхэд бэрхшээлтэй байна гэсэн юм.

Улмаар энэ удаагийн хурлын дараагаар АНУ дахь бодлогын хүү 5.25-5.5 хувьд тогтсон байна.

Үйл явдлын хүрээнд албаныхны мэдэгдсэнээр тэд энэ оны сүүлээр бодлогын хүүгээ хасаж эхэлнэ хэмээн тооцож байгаа гэжээ.

АНУ-ын төв банкны хувьд 2022 оноос инфляцын өсөлттэй тэмцэх үүднээс бодлогын хүүгээ удаа дараа өсгөх арга хэмжээ авсан юм. Тийнхүү өдгөө бодлогын хүү сүүлийн 20 гаруй жилийн хугацаан дахь дээд түвшинд хүрээд байгаа нь тус улсад амьдрах өртөгт шууд нөлөөлж байгаа тул төв банкны зүгээс энэ ондоо багтаан бодлогын хүүгээ эргэн бууруулах арга хэмжээг авахаар төлөвлөж буй нь энэ билээ.

Эх сурвалж: BBC