Хойд Солонгос өнөөдөр орон нутгийн цагаар өглөөний 7:00 цагийн орчимд зүүн тэнгисийн усанд баллистик пуужин харван туршлаа. Тус улс сүүлийн дөрвөн сар орчимд олон улсын мэдэж буйгаар пуужингийн туршилт хийгээгүй. Харин өнөөдөр Пёньянаас хойд зүгт 100 орчим километр зайд орших Тэчонь хот ормоос баллистик пуужин харвасан нь 60 километр өндөрт гарч 600 орчим километр зайг туулсан хэмээн Өмнөд Солонгосын арми мэдээллээ. Пуужин Хойд Солонгосын зүүн эрэг болон Японы эдийн засгийн онцгой бүсийн ойр унасан гэж Японы NHK суваг мэдээлж байна. Улмаар Японы эргийн хамгаалалтын алба тэнгисийн хөсгүүдээ сэрэмжтэй байхыг санууллаа.
Америкийн нисэх онгоц тээвэрлэгч хөлөг Өмнөд Солонгост хамтарсан цэргийн сургуулилт хийхээр хүрэлцэн ирээд буй. Мөн АНУ-ын дэд Ерөнхийлөгч Камала Харрис Өмнөд Солонгос улсад айлчлан ирэхийн өмнөхөн ийнхүү пуужин харвасан нь олон улсын анхаарлыг ихэд татлаа.
Эх сурвалж: BBC
Алдах юмгүй энэ улс дуусахдаа тулбал Америкаар дэр аваад цугтаа газрын хөрснөөс арчигдахаа мэдэж бгаа .