Өдгөө 70 настай Доналд Горске бол амьдралынхаа туршид хамгийн олон Big Mac бургер идсэн дээд амжилтыг эзэмшдэг нэгэн. Түүний хувьд анх 1972 оны тавдугаар сарын 17-ы өдөр анх Big Mac бургерийг идэж байсан бөгөөд тухайн үеэс хойших 52 жилийн хугацаанд тэр 34,128 ширхэг Big Mac бургер идсэн ажээ.
Улмаар тэр эл дээд амжилтын баталгаагаа 1999 онд хүртэж байсан ч амжилтаа хадгалах үүднээс Big Mac бургер идэхээ зогсоолгүй харин ч улам ихээр идэх болсон байна. Тийнхүү түүний зүгээс эл амжилтаа 24 жилийн туршид хадгалж буй нь энэ юм.
Хэвлэлийнхний мэдээлж байгаагаар Доналд 2023 онд нийт 728 ширхэг Big Mac бургер идсэнээр түүний дээд амжилт 34,128 болсон гэнэ.
Доналдын зүгээс дээд амжилтаа идсэн бургерийнхээ хайрцгаар тоолдог бөгөөд Big Mac бургерийг анх идэхдээ л тэр үүнийг үлдсэн амьдралынхаа туршид идэх юм байна гэж бодож байсан ажээ.
Доналд Горскегийн өгсөн нэгэн ярилцлагад өгүүлснээр тэр Big Mac бургерээс өөр зүйл бараг иддэггүй бөгөөд өглөөний цай уудаггүй, орой зайрмаг, жимс, чипс зэргээр хооллодог гэсэн юм. Гэсэн хэдий ч тэр өөрийн биеийн эрүүл байдалд ихээхэн анхаардаг ба өдөрт заавал 6 миль алхаж, бургерээ шарсан төмстэй цуг идэхээс татгалздаг гэжээ.
Эх сурвалж: Guinness World Records