Даваа гарагт Израил-Орос гаралтай тэрбумтан, хөрөнгө оруулагч Юрий Милнер Оросын иргэншлээс татгалзсан болохоо мэдэгджээ.
Интернэт хөрөнгө оруулалтын DST Глобал компанийн үүсгэн байгуулагч тэрээр Хятадын онлайн худалдааны томоохон компаниудад хөрөнгө оруулснаараа хожсон нэгэн юм.
Түүний мэдэгдсэнээр, “2014 онд ОХУ Кремийн хойгийг өөрт нэгтгэсэн хойно миний бие гэр бүлийн хамтаар тус улсаас гарсан. Харин энэ зун бид албан ёсоор ОХУ-ын иргэншлээсээ татгалзсан” гэсэн байна.
Юрий Милнерийн хувьд 1999 оноос хойш Израилын иргэншил эзэмшсэн бөгөөд 2014 оноос хойш ОХУ-ыг зориогүй юм. Мөн тэрээр ОХУ-д ямар ч хөрөнгө эзэмшдэггүй ба хөрөнгийнхөө 97 хувийг Оросын газар нутгаас гадуур босгосон ажээ.
ОХУ Украиныг эзлэн түрэмгийлж буй энэ үед барууны улс орнууд ОХУ болон ерөнхийлөгч Владимир Путинтай холбоотой хөрөнгөтнүүдэд хориг тавих болсноор тэрээр ийн мэдэгдсэн байна.
Эх сурвалж: The Reuters