Өнгөрөгч долоо хоногийн пүрэв гарагт олон нийтийн цахим сүлжээнд Tsingtao шар айргийн үйлдвэрийн ажилтан шар айргийн найрлагад ордог нэгэн бүтээгдэхүүний нөөцлүүр рүү сарьж буй бичлэг цацагдсан билээ. Улмаар бичлэг олон нийтийн цахим сүлжээнд нийтлэгдсэн цагаасаа хойш сая, сая хандалт авах болсон юм.

Тэгвэл даваа гарагийн өглөө Шанхайн хөрөнгийн бирж нээгдэхэд Tsingtao шар айргийг үйлдвэрлэдэг Tsingtao Brewery компанийн нэгж хувьцааны үнэлгээ огцом унажээ. Тийнхүү даваа гарагийн үдээс хойш хувьцааны үнэлгээ харьцангуй тогтворжсон байна.

Үйл явдлын хүрээнд Tsingtao Brewery компанийн зүгээс мэдэгдсэнээр тэд бичлэгийн тухай олж мэдсэн даруй цагдаагийн байгууллагад хандаж, тухайн хэрэг явдал үйлдэгдсэн нөөцлүүрийг нэн даруй битүүмжилсэн гэсэн юм. Улмаар Хятадын “National Business Daily” сониноос мэдээлснээр эх сурвалжийн хэлж байгаагаар бичлэг дээрх этгээд болон бичлэгийг хийсэн этгээд хоёул тус компанийн үндсэн ажилтнууд биш гэжээ.

Tsingtao Brewery компанийн хувьд Хятадын хамгийн алдартай шар айраг үйлдвэрлэгчдийн нэг бөгөөд тус улсын шар айргийн хамгийн том экспортлогч юм.

Эх сурвалж: BBC