Лхагва гарагт Их Британийн Үндэсний Статистикийн албанаас өнгөрсөн сарын инфляцын тайланг танилцуулжээ. Улмаар өнгөрөгч сард тус улсын инфляц өсөж, дахин 10.1 хувьд хүрсэн байна.

Үндэсний статистикийн албанаас тайлбарласнаар инфляцын өсөлтөд нөлөөлсөн гол хүчин зүйл нь эрчим хүч, хүнсний бүтээгдэхүүний үнийн өсөлт гэнэ. Тодруулбал, эрчим хүч, хүнсний бүтээгдэхүүний үнэ өнгөрөгч оны мөн үетэй харьцуулахад даруй 14.6 хувиар өсжээ.

Инфляц тийн хоёр оронтой тоонд орсон нь Английн Төв банкны хувьд ихээхэн санаа зовоосон асуудал болж байгаа юм. Тийнхүү Английн Төв банкны мөнгөний бодлогын хороо ирэх сарын 3-ны өдөр хуралдахдаа бодлогын хүүгээ дахин өсгөх эсэхийг шийдэх ажээ.

Төв банкнаас таамаглаж байгаагаар бодлого батлагчид ирэх сард бодлогын хүүг 75 суурь нэгжээр өсгөх гэнэ. Харин үйл явдлын хүрээнд эдийн засагч нарын таамаглаж байгаагаар инфляцын түвшин энэ сард дээд цэгтээ хүрч, ирэх онд бууна гэжээ.

Эх сурвалж: CNN