Лхагва гарагт ОХУ-ын газрын тос, байгалийн хийн Газпром компанийн Удирдлагын хорооны дарга Алексей Миллер Россия-1 сувгийн “Москва. Кремль. Путин” хөтөлбөрт оролцжээ. Хөтөлбөрийн хүрээнд тэрээр Газпром компанийн байгалийн хийн нийлүүлэлтийн тухайд ярьсан байна.

Алексей Миллерийн хэлснээр, “Ойрын хугацаанд бидний БНХАУ-д нийлүүлэх байгалийн хийн хэмжээ бидний баруун Европт нийлүүлсэн байгалийн хийн хэмжээтэй тэнцэх төлөвтэй байна” гэсэн юм.

Энэхүү мэдэгдлийн хүрээнд ТАСС мэдээллийн агентлагаас мэдээлснээр ОХУ 2022 онд Сибирийн эрчим хүч шугамаар дамжуулан БНХАУ-д нийт 15.5 тэрбум шоо метр байгалийн хий нийлүүлж, энэ онд тухайн шугамаар ижил чиглэлд нийт 22 тэрбум шоо метр байгалийн хий нийлүүлэх төлөвтэй байна гэжээ. Улмаар 2025 он гэхэд тэд Сибирийн эрчим хүчний шугамыг бүрэн хүчин чадалд нь хүргэж ажиллана гэсэн байна.

Эх сурвалж: ТАСС