Мягмар гарагт Их Британийн Цагдаагийн албаны ахлагч Марк Робертсын мэдэгдсэнээр тус улс Катарт зохион байгуулагдах хөл бөмбөгийн ДАШТ-ий үеэр британи цагдаагийн офицеруудыг илгээнэ гэжээ.

Цагдаа нарын үүрэг нь олон нийт болон орон нутгийн цагдаа нарын хооронд ямар нэг үл ойлголцол үүсэхээс сэргийлэх юм.

Марк Робертсын хэлснээр, “Гол анхаарах зүйл нь хөл бөмбөгийн фанатууд санамсаргүй байдлаар соёлын хэм хэмжээг зөрчиж, өөрсдийн мэдэлгүйгээр үл ойлголцол үүсгэхээс урьдчилан сэргийлэх” гэнэ.

Энэ сарын 20-ны өдөр албан ёсоор эхлэх Хөл бөмбөгийн ДАШТ-ий хувьд анх удаагаа Ойрх Дорнодын улсад зохион байгуулагдаж байгаа гэдгээрээ онцлогтой.

Тийнхүү Их Британи улсын зүгээс нийт 15 цагдаагийн офицерыг Катар улс руу томилолтоор явуулж байгаа юм.

Үүнээс гадна тэмцээний аюулгүй байдлыг хангахад зориулж Турк улсын зүгээс Катар руу 3000 гаруй цагдааг илгээх гэнэ. Турк улсын хууль сахиулагчдыг тусгай албаны 100 цагдаа, тэсрэх бөмбөгийн 50 мэргэжилтэн, 80 үнэрч нохой дагалдах юм.

Түүнчлэн Пакистан улсын зүгээс ч Катар руу цагдаагийн баг бүрэлдэхүүн илгээхээр тохиролцсон ч одоогийн байдлаар тэд яг хэдэн хүн илгээж байгаа нь тодорхойгүй байгаа ажээ.

Эх сурвалж: BBC