Хамгийн өндөр орлоготой хөлбөмбөгчийн жагсаалтыг тэргүүлсэн Роналдо өдөрт 712 мянган ам.доллар олдог
2023, 10 сарын 17. 1:530

Саудын Арабын лигт хөл тавиад байгаа Португалийн алдарт хөлбөмбөгч Криштиану Роналду сүүлийн нэг жилийн хугацаанд дэлхийн хөлбөмбөгчид дундаас хамгийн их орлого олсон тоглогчоор шалгарчээ.

Америкийн эдийн засгийн Forbes сэтгүүлээс өнгөрсөн 14-ний өдөр хөлбөмбөгчдийг орлогын хэмжээгээр нь жагсаасан жагсаалтыг нийтлэсэн ба Роналдо 260 сая ам.долларын орлогороо уг жагсаалтыг тэргүүлсэн байна.

Роналдо өнгөрсөн нэгдүгээр сард Саудын Арабын “Аль-Наср” багтай гэрээ байгуулсан бөгөөд тухайн үед энэхүү гэрээнээс 200 сая ам.долларын орлого олсон гэж шинжээчид тооцоолж байсан билээ. Тэрчлэн Forbes сэтгүүлийн үзэж буйгаар Роналдо Nike зэрэг томоохон ивээн тэтгэгч, хамтран ажиллагч компаниудаасаа дор хаяж 60 сая ам.долларын орлого олдог хэмээн тооцоолсон байна.

Тэгвэл түүний нэг өдрийн орлого 712 мянган ам.доллар болж буй юм.

Өнгөрсөн жил энэхүү жагсаалтыг Францын алдарт хөлбөмбөгч Килиан Мбаппе 128 сая ам.долларын орлогоороо тэргүүлж байжээ. Үүнээс харахад ердөө ганцхан жилийн дотор уг жагсаалтыг тэргүүлсэн хөлбөмбөгчийн орлогын хэмжээ хоёр дахин нэмэгдсэн байх юм.

Тэгвэл Аргентиний тоглогч Лионель Месси 135 сая ам.долларын орлогоороо энэ жил хоёрдугаар байрыг эзэлжээ. Саудын Арабын лигт тоглож буй Роналдо Америкийн мэргэжлийн хөлбөмбөгт хөл тавиад буй Мессигээс бараг хоёр дахин их орлого олсон нь үүнээс харагдаж байна.

Шилдэг тавд Саудын Арабын лигийн гурван тоглогч багтсан нь ихээхэн анхаарал татаж буй юм. Тодруулбал Роналдогоос гадна Бразилийн тамирчин Неймар 112 сая ам.доллароор гуравдугаарт, Францын тоглогч Карим Бензема 106 сая ам.долларын орлогоор тавдугаар байрт тус тус жагсжээ.

Харин дөрөвдүгээр байранд өнгөрсөн жил уг жагсаалтыг тэргүүлж асан Мбаппе жилийн 110 сая ам.долларын орлоготойгоор бичигдсэн байна.

Английн Премьер лигийн тоглогчдоос Манчестер Ситид тоглодог Норвегийн Эрлинг Холланд 58 сая ам.долларын орлого олж, зургаадугаар байранд оржээ.

Эх сурвалж: Maeil

Энэ мэдээнд өгөх таны сэтгэгдэл?
2
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Аварга могойд хоёр цаг боолгосон эмэгтэйг аварчээ
02024-9-20 14:36
Рамзан Кадыров: Маск миний кибертракийг ажиллагаагүй болгосон
02024-9-20 12:50
Эйр Бусан Солонгос дахь монгол ажилчдын хүүхдүүдийг урьж, аав, ээжтэй нь уулзуулна
02024-9-20 12:08
Канад: Цагаачдын урсгалыг хумих зорилгоор гадаад оюутны виз олголтыг 10 хувиар бууруулна
02024-9-20 1:21
АНУ-ын шинэ сансрын станц байгуулуулахаар сонгосон компани дампуурахад ойр байна
02024-9-19 15:31
Тайваньд зэвсэг борлуулсан хэмээн АНУ-ын 9 фирмийн хөрөнгийн БНХАУ царцаалаа
02024-9-19 15:16
Хятадын судлаачид Старлинкийн хиймэл дагуул ашиглан үл илрэгч онгоц илрүүлж чадна гэв
02024-9-19 13:24
Боинг компанийн ажилчдын 96 хувь нь ажил хаяхыг дэмжжээ
02024-9-19 8:58
Хятад хямд цахилгаан машинууд зэвсгийн чанартай байж болзошгүй хэмээн сэрэмжлүүлэв
02024-9-18 12:21
ОХУ-ын нууц шумбагчийн салаа далайгаар татсан интернэтийн кабелийг сүйтгэж болзошгүй
02024-9-18 12:03