Ойрын үед олон нийтийн анхаарлын төвд ороод буй реппер Ye буюу Кание Уэст 30 хоногийн турш өөрийгөө ариусгах зорилгоор хүнтэй ярихгүй, бэлгийн харьцаанд орохгүй, насанд хүрэгчдэд зориулсан кино үзэхгүй, алкоголь хэрэглэхгүй байхаар шийджээ.
Энэ тухай тэрээр өөрийн Твиттер хуудаснаа мэдэгдсэн бөгөөд мэдэгдлийн дээр, “Би нэг сарын турш хэнтэйййй ч ярихгүй” хэмээсэн байна.
Гэвч түүний энэ мэдэгдлийг хүлээн авсан хүмүүсийн зүгээс ихээхэн шүүмжлэлтэй хандаж байгаа юм. Тодруулбал, Твиттер хуудаснаа нэгэн хэрэглэгчийн жиргэснээр, “Ye насанд хүрэгчдийн кино, бэлгийн харьцаанаас татгалзсан ч Твиттер платформ дээр байсаар байгаа нь мансууруулах бодист донтсон хүн тамхинаас гарч байгаатай ижил юм” хэмээжээ.
Тийнхүү реппер хэнтэй ч юм ярихгүй гэдгээ мэдэгдсэн ч өөрийн Твиттер хуудас дээр ихээхэн идэвхтэй байгаа юм.
Эх сурвалж: UNILAD